A guerra da goma

O grupo Milan acaba de demandar á empresa Fulco S.A, que comercializa os seus produtos coa marca Jovi, por vender gomas de borrar plaxiadas dos seus modelos. Proximamente o grupo Milan tamén iniciará accións legais contra as empresas Makropaper e Carioca pola mesma causa. Os modelos máis copiados son a Milan 430, a Milan 612 e a Milan Nata. Será unha guerra empresarial que ha de deixar unha pegada imborrábel. A Milan Nata é sen dúbida unha icona sentimental da miña xeración. Unha combinación decepcionante a do seu gorentoso aroma e o seu insípido sabor, tan decepcionante como a mestura da candidez dialogante de Zapatero e a prepotencia pailoca de Bono.